KAMPUNI YA TANWAT YAUKABIDHI MTAA WA KIBENA MRADI WA KISIMA

Diwani wa kata ya Ramadhani George Sanga(wa pili kushoto na wa nne ni Dr Rajeev Singh )

Mkurugenzi mkuu wa TANWAT Dr Raveej Singh Akikata utepe wakati wa uzinduzi wa kisima

 
Dr Rajeev Singh Akipump maji katika Kisima

 

Kampuni ya TANIWAT Mkoani Njombe imeukabidhi mtaa wa Kibena msaada wa kisima cha maji wenye thamani ya zaidi ya shilingi milioni 2 kwa ajili ya kupunguza uhaba wa maji katika eneo hilo.

Msaada huo umetolewa Mei 10 mwaka huu katika eneo la mtaa huo na mkurugenzi mtendaji wa kampuni hiyo Dr Rajeev Singh ambaye amesema kuwa jambo lililopelekea kutoa msaada huo kwa wananchi wa mtaa wa Kibena ni pamoja na ushirikiano mzuri uliopo baina ya wananchi na uongozi wa kampuni hiyo.

Dr Singh amesema endapo wananchi hao wataendelea kudumisha ushirikiano uliopo basi uongozi wa kampuni hautasita kuendelea kutoa misaada katika sekta mbalimbali kwa ajili ya maendeleo ya wakazi wa mkoa wa Njombe na taifa kwa Ujumla.

Awali akizungumza wakati wa hafla fupi ya makabidhiano ya mradi huo diwani wa kata ya Ramadhani George sanga amesema Kampuni hiyo imekuwa na mchango mkubwa katika suala la maendeleo katika kata yake na mkoa kwa ujumla kwani imekuwa ikitoa nafasi za ajira kwa wananchi pamoja na kutoa misaada katika sekta mbalimbali.

Kufuatia kukamilika kwa mradi huo mheshimiwa diwani amesema kila mwananchi anatakiwa kuwa mlinzi wa mwenzie ili kuhakikisha kisima hicho kinatunzwa huku akiwasihi wananchi kuacha tabia ya kuingiza masuala ya kisiasa katika shughuli za kimaendeleo.

Kwa Upande wao wananchi wa mtaa huo wameipongeza kampuni ya TANWAT kwa kuwakabidhi mradi huo kwani kabla ya hapo walikuwa wakikabiliwa na changamoto kubwa ya uhaba wa maji.

Aidha wananchi hao wameishukuru kampuni hiyo kwa kuahidi kutoa msaada wa mbao zitakazosaidia kukamilisha ujenzi wa ofisi ya mtaa huo iliyojengwa kwa nguvu za wananchi kwa zaidi ya asilimia 80 na kugharimu zaidi ya shilingi milion tisa za kitanzania.

@JUKUMU LETU CREW NZIMA YA MTANDAO HUU WA DARUBINI YA MTAA NIKUKUONYESHA YALE YOTE YASIONEKANA KWA URAHISI KWA KUTUMIA MACHO YAKO

Share on Google Plus

About darubini

This is a short description in the author block about the author. You edit it by entering text in the "Biographical Info" field in the user admin panel.