JOHN TERRY AMTETEA ROONEY, ASEMA NI LEJENDARI ANAESTAHILI HESHIMA KUBWA ZAIDI!

 


KEPTENI wa zamani wa England John Terry amemtetea Wayne Rooney na kutaka Watu wampe heshima zaidi.

Terry, ambae pia ni Kepteni wa Chelsea, ametoa Msimamo huu baada ya Jumamosi iliyopita baadhi ya Mashabiki kumzomea Rooney wakati England inaifunga Malta 2-0 kwenye Mechi ya Kundi lao la Nchi za Ulaya zinazowania kufuzu Fainali za Kombe la Dunia za Mwaka 2018 huko Russia iliyochezwa Uwanjani Wembley Jijini London.

Leo England ipo kwenye Mechi nyingine ya Kundi lao ya Mechi hizi za kufuzu Kombe la Dunia itakayochezwa Ugenini na Slovenia, na Kocha wa England, Gareth Southgate, ametoboa Rooney atakuwa Benchi.

JE WAJUA?

-Rooney ndie Mfungaji Bora katika Historia ya England akiwa na Bao 53 akifuatiwa na Sir Bobby Charlton aliefunga Bao 49.

-Pia ndie Mchezaji wa Pili kuichezea Mechi nyingi England akiwa amecheza Mechi 117 na kuwa nyuma ya Kipa Peter Shilton aliecheza Mechi 125.

Akiandika kwenye Mtandao wa Instagram, Terry, ambae alistaafu kuichezea England Mwaka 2012, ameeleza: “Wayne Rooney, ndie Mfungaji Bora England katika Historia ya Gemu yetu. Karibuni atakuwa ndie Mchezaji aliechezea Mechi nyingi Nchi yetu tukufu."

"Ni mmoja wa Wachezaji Bora kabisa niliopata kuwaona maishani mwangu na ni Mtu aliejitolea kila kitu kwa ajili ya England."

"Ni Lejendari huko Everton, Man Utd, England na Soka la Dunia. Wote tumwoshe heshima kubwa zaidi kwa Mchezaji na Mtu huyu Bora. Kesho tuwe nyuma ya Wayne na England!"

Jana, wakiongea huko Ljubljana, Slovenia Southgate alisisitiza kuwa Rooney bado anahitajika na England wakati Rooney mwenyewe akisisitiza bado hajaisha.

Rooney alinena: "Nimechezea England Miaka 13 mfululizo bila kupumzika na kujitolea kila kitu. Unafika wakati unakuwa si Jina la kwanza kwenye Timu kama nlivyokuwa huko nyuma. Nimefanya hivyo mara 117 lakini mambo hubadilika na kilichobaki ni kufanya juhudi zaidi."

“Sifedheheki na hili. Naskia fahari kubwa kuichezea Nchi yangu. Kama ikiwa toka Benchi itakuwa toka Benchi. Hakuna kilichobadilika kuhusu hatima yangu. Hii ni sehemu ya Soka."

"Nina Miaka 30 na si 35 au 36 ambayo unawaza Je nitarejea? Nitaendelea kuichezea England!"

Share on Google Plus

About darubini

This is a short description in the author block about the author. You edit it by entering text in the "Biographical Info" field in the user admin panel.